აშშ-ში, ვისკონსინის შტატში ლატარეაში გათამაშდა ჯეკპოტი, 22 მილიონი დოლარი, მიმღებმა პირმა ძველი დაპირებისამებრ თანხის ნახევარი მეგობარს გადასცა.

ტომას კუკმა ვისკონსინის ლატარეის ხელმძღვანელებს განუცხადა, რომ მან როდესაც გაიგო რომ 22 მილიონი დოლარის მფლობელი გახდა, მაშინვე 1992 წლის შეთანხმება გაახსენდა, რომელიც დადო თავის მეგობარ ჯოსეფ ფინისთან.

კუკმა განაცხადა, რომ მეგობრებმა 28 წლის წინ ერთმანეთს ხელი ჩამოართვეს და შეპირდნენ, რომ თუ რომელიმე მათგანი ლატარეაში ჯეკპოტს მოიგებდა, ისინი მოგებულს გაიყოფდნენ.

მედიასთან საუბრისას ფინიმ აღნიშნა, რომ როდესაც კუკმა დაურეკა ეგონა, რომ ეხუმრებოდა. კუკმა და ფინიმ ფედერალური და შტატის კანონების თანახმად, თანხის ერთიანად აღების გამო გადასახადების გადახდა დაეკისრათ და საბოლოოდ კი მოგებულმა თანხამ 11,5 მილიონამდე დაიკლო. ორივე მათგანმა ამის ფონზე 5,7-5,7 მილიონი დოლარი აიღო.

კუკისა და ფინის თქმით, ამ ფულის აღების შემდეგ ისინი უფრო მეტ დროს გაატარებენ ოჯახებთან.