აზერბაიჯანული სამთავრობო მედია, HAQQIN-ი საქართველოს საგარეო საქმეთა სამინისტროს წერილით მიმართავს, სადაც ოფიციალური თბილისის პოზიცია არის გაკრიტიკებული.

„HAQQIN.AZ-ის რედაქცია გაკვირვებულია საქართველოს საგარეო საქმეთა სამინისტროს მიერ გამოქვეყნებული წერილის შემდეგ. სამწუხაროა, რომ ოფიციალურმა თბილისმა აზერბაიჯანული მედიის გამოცემა და კომპეტენცია განზრახ დეზინფორმაციის გავრცელებაში ამხილა, რომლის გამოც HAQQIN-ის რედაქცია იძულებულია, წარმოადგინოს რამდენიმე დამადასტურებელი ფაქტი, რომლითაც მიიპყრობს აზერბაიჯანელი და ქართველი მოსახლეობის ყურადღებას“.

“რა კომენტარს გააკეთებს აზერბაიჯანის მეგობარი სახელმწიფოს საგარეო საქმეთა სამინისტრო ლაუნჩერების ფოტოებთან მიმართებით, რომლებიც მიწოდებულ იქნა სახმელეთო გზით რუსეთიდან და იმყოფება საქართველოში, რომლებიც მოგვიანებით სომხეთის სახელმწიფო საზღვარს გადაკვეთენ“? რამდენიმე საათში ზუსტად ეს საბრძოლო ტექნიკა გადაკვეთს სახელმწიფო საზღვარს და გაეშურება აზერბაიჯანის წინააღმდეგ ბრძოლაში ჩაბმული ქვეყნისკენ“ - ნათქვამია haqqin-ის განცხადებაში.

აზერბაიჯანული მედიის ინფორმაციით, სერბეთიდან გამოგზავნილი საბჭოთა წარმოების ნაღმტყორცნები საქართველოს გავლით აღმოჩნდა სომხური შეიარაღებული ძალების ხელში, რომელთაც აქტიურად იყენებენ ტოვუზის რაიონში.

HAQQIN-ში აღნიშნავენ, რომ საქართველოდან სომხეთში იარაღის ტრანზიტი მომდიანრეობს ცნობილი სერბი იარაღით მოვაჭრე , სლობოდან ტესიჩის მიერ. აღნიშნული პიროვნება ამერიკის მიერ დაწესებულ „მაგნეტსკის აქტით“ სანქცირებულთა შორისაა. გამოქვეყნებულ წერილში საუბარია იმ ფაქტზე, რომ საბრძოლო მასა გამოგზავნილ იქნა კომპანია VECTURA TRANS D.O.O-ს მიერ- ეს კომპანიაც აშშ-ს მიერ შავ სიაშია. გამოგზავნილი ჭურვების მიმღების სომხეთის თავდაცვის უწყებაა.

„ჩვენ მხოლოდ ფაქტების კონსტანტირება შეგვიძლია მოვახდინოთ-საქართველოს ხელისუფლებამ დაუშვა სომხეთისთვის განკუთვნილი შეიარაღების მიწოდება იმ პირისგან, რომელიც ამერიკის კონგრესის სანქციათა სიაში იმყოფება“.