ჩეჩნეთის რესპუბლიკის ხელმძღვანელმა, რამზან კადიროვმა ამერიკის სახელმწიფო მდივანს, მაიკ პომპეოს დაუწესა სანქციები. აღნიშნულის შესახებ მან მთავრობის სხდომაზე ისაუბრა.

„პომპეო სანქციათა სიაში მოხვდება. აგრეთვე გაიყინება მისი ანგარიშებიც“- აღნიშნა კადიროვმა. კადიროვი გაკვირვებულია და ვერ ხვდება, თუ რატომ დაუწესა ოფიციალურმა ვაშინგტომა მის ცოლსა და შვილებს სანქციები.

შეგახსენებთ, რომ 20 ივლისს ამერიკამ ჩეჩნეთის პრეზიდენტს, რამზან კადიროვს დაუწესა სანქციები. ოფიციალური ვაშინგტონის განცხადებით, სანქციების დაწესების მიზეზი ჩეჩნეთის რესპუბლიკაში ადამიანის უფლებათა დარღვევის გახშირებული ფაქტებია.

„ჩვენ გაგვაჩნია სანდო ინფორმაცია, რომ კადიროვი ჩეჩნეთში ადამიანის უფლებათა დარღვევის აბსოლუტურ უმრავლესობაზეა პასუხისმგებელი. სახელმწიფო დეპარტამენტი გმობს კადიროვის მიერ ჟურნალისტების მიმართ ძალადობრივი ღონისძიებების განხორციელებას. მათ ადგილობრივი მთავრობა პანდემიასთან დაკავშირებით სიტუაციის არასწორი ინტერპრეტირებით გაშუქებაში ადანაშაულებდა“.