მეცნიერი, რომელიც ეჭვმიტანილია ვიზების თაღლითობასა და ჩინურ არმიასთან ურთიერთკავშირის შენიღბვაში, სან-ფრანცისკოში არსებულ ჩინურ საკონსულოში იმალება- ამის შესახებ აცხადებენ ამერიკელი მაღალჩინოსნები.

პროკურატურაში ირწმუნებიან, რომ ზემოხსენებული საქმე ჩინეთის პროგრამის ნაწილია, რომლის ფარგლებში ხდება სამხედრო მეცნიერების აშშ-ში მალულად გაგზავნა.

ოთხშაბათს ტრამპის ადმინისტრაციის განკარგულებით ჩინური დიპლომატიური მისიის დახურვის ბრძანება გასცეს ჰიუსტონში. ადმინისტრაციის განცხადებით, საკონსულო ჩართული იყო ინტელექტუალური საკუთრების მოპარვაში.

ჩინეთის ოფიციალურმა დიპლომატიურმა უწყებამ დაგმო ამერიკელთა ქმედებები მეცნიერთა და საკონსულოების მიმართ. საგარეო საქმეთა სამინისტროს პრესსპიკერმა, ვანგ ვენბინმა დაადანაშაულა სახელმწიფო დეპარტამენტი შევიწროებასა და სადამსჯელო ღონისძიებების გატარებაში ჩინელი მეცნეირების წინააღმდეგ.

„ ამერიკელთა არაგონივრული ქმედებების ფონზე ჩინეთმა აუცილებებლი ღონისძიებების ფარგლებში უნდა იმოქმედოს და დაიცვას თავისი ლეგიტიმური უფლებები“- განაცხადა ვენბინმა პრესკონფერენციის დროს, რა დროსაც აშშ-ს ბრალდებებს მავნებლური ცილისწამება უწოდა.

სან-ფრანცისკოს ფედერალურ სასამართლოში აცხადებენ, რომ ბრალდებული სახელად, ჰუან ტანგი იყო ბიოლოგიის მკვლევარი კალიფორნიის უნივერსიტეტში.

გასულ თვეს FBI-ის მიერ ჩინელი მეცნიერი ქალის დაკითხვისას მან განაცხადა, რომ არასოდეს უმსახურია ჩინეთის არმიაში. მიუხედავად ამისა გამოძიების შედეგად მის საცხოვრებელში აღმოჩენილ იქნა ფოტოები, სადაც იგი სამხედრო უნიფორმაშია , აგრეთვე ნაპოვნია მტკიცებულებები, რომლებიც ადასტურებს ტანგის კავშირებს ჩინეთის სამხედრო უწყებასთან. გავრცელებული ინფორმაციით, იგი ამჟამად სან-ფრანცისკოს აფარებს თავს.