უკანასკნელი დღეების განმავლობაში ყაზახურ სოციალურ მედიაში აქტიურად მიმდინარეობს ერთ-ერთი პოლიციელის გმირობის განხილვა- საქმე ეხება პედოფილის ექსტრემალურ სიტუაციაში დაკავების ფაქტს.

36 წლის ბაკიტჟან ბაკიროვი და მისი პარტნიორი, მეირ ნესიპბეი დასახმარებლად გამოიძახეს ქალაქ ალმათის ერთ-ერთ საცხოვრებელ ბინაში. პოლიციის ოპერატორთან ზარის ავტორმა აღნიშნა, რომ საცხოვრებელში შეიჭრა სექსუალური მოძალადე და თავს დაესხა 15 წლის გოგოს. როდესაც ეკიპაჟი ადგილზე მოვიდა, ეჭვმიტანილი ფანჯრიდან გადახტა, რა დროსაც უკანვე დაედევნა ბაკიროვიც.

პოლიციელის თქმით, მან მოგვიანებით გაიაზრა მომხდარი, რომ მოძალადე შესაძლოა თავის მოკვლას ცდილობდა რაზეც მისი დაპატიმრების მომენტში არც კი უფიქრია. ოფიცრისთვის საბედნიეროდ, ფანჯრის გარეთ, ორი სართულით დაბლა აღმოჩნდა აივანი, სადაც ბოროტმოქმედი და პოლიციელი დაეშვნენ. მიუხედავად იმისა, რომ ბაკიროვმა ფეხი მოიტეხა, მან მაინც მოახერხა ეჭვმიტანილის, შის დაპატიმრება. სამართალდამცავი ღირსების ორდენით დააჯილდოვეს.

გავრცელებული ინფორმაციით, შის აგრეთვე ბრალად ედება გოგონას სახლიდან 13 000 ფუნტი სტერლინგის ეკვივალენტური თანხის მოპარვა და არასრულწლოვანის 4 წლის ძმის დატერორებას. ყაზახეთის კანონმდებლობის თანახმად, ბოროტმოქმედს ქიმიური კასტრაცია სპეციალური მედიკამენტების საშუალებით ჩაუტარდება, რომლებიც სქესობრივ ლტოლვას სრულად დაუქვეითებს მას.