აზერბაიჯანის პრეზიდენტი, ილჰამ ალიევი აცხადებს, რომ სომხეთის მიმართვა კოლექტიური უსაფრთხოების ხელშეკრულების ორგანიზაციისადმი, აზერბაიჯანისგან დაცვისა და მისი მოქმედებების დაგმობის მოთხოვნით უსაფუძვლო და ფუჭი ქმედებაა.

„კოლექტიური უსაფრთხოების ხელშეკრულების ორგანიზაცია ექვსი ქვეყნისგან შედგება. აქედან სამმა საერთაშორისო ორგანიზაციების მეშვეობით მხარი აზერბაიჯანს დაუჭირა. სხვაგვარად არ შეიძლებოდა ყოფილიყო, რადგან ჩვენ მათთან ვმეგობრობთ, მათ შეუძლიათ გვენდონ, როგორც კარგ, ასევე რთულ დღეებში. დაე, სომხეთის მშიშარა მთავრობამ გაიხსენოს, თუ როგორი შეურაცხყოფა მიაყენა კოლექტიური უსაფრთხოების ხელშეკრულების ორგანიზაციას, როდესაც სხვა ქვეყნებთან შეთანხმების გარეშე ორგანიზაციის გენერალური მდივანი დააპატიმრა. შეგვებრძოლეთ ერთი-ერთზე და ვნახავთ ვინ აჯობებს“, - განაცხადა ილჰამ ალიევმა.