აშშ-ში, კენტუკის შტატის სილამაზის კონკურსში გამარჯვებული 29 წლის მოდელი, რემზი ბეთნ ბირსი 2 წლის განმავლობაში დასავლეთ ვირჯინიის ციხეში მოიხდის სასჯელს. მას ბრალად ედება თინეიჯერი ბიჭის მიმართ გამრყვნელი საქმიანობის განხორციელება- ყოფილმა მოდელმა არასრულწლოვანს შიშველი ფოტოები გაუგზავნა.

ბირსი 2018 წლის დეკემბერში დააპატიმრეს, მან აღიარა, რომ SNAPCHAT-ის აპლიკაციით 15 წლის სკოლის მოსწავლეს გაუგზავნა წელს ზემოთ შიშველი ფოტოები იმ პერიოდში, როდესაც იგი ენდიუ ჯექსონის საშუალო სკოლაში მუშაობდა მასწავლებლად. ბიჭის ტელეფონში აღნიშნული ფოტოები მისმა მშობლებმა აღმოაჩინეს და ამის შესახებ პოლიციას აცნობეს. ბირსმა აღიარა დანაშაული. სასამართლოს გადაწყვეტილებით ყოფილ მოდელს აგრეთვე დამატებით განესაზღვრა პირობითი სასჯელი 10 წლის ვადით.