ბრაზილიელი ცოლ-ქმარი, ქალაქის ქუჩებში ასტრონავტების სპეც-ეკიპირებით გადაადგილდება, ამ ფაქტის ამსახველ ვიდეოკადრებს REUTERS-ი TWITTER-ის საკუთარ გვერდზე აქვეყნებს. ბრიტანული მედიის ინფორმაციით, 60 წლამდე ასაკის ტერსიო გალდინო და ალისია ლიმა ამგვარი ფორმით იცავენ თავს კოვიდ-19ის ვირუსის ინფიცირებისგან.

„ჩვენ ვიფიქრეთ, რომ ჩვენივე ასაკიდან გამომდიანრე ინფიცირების რისკ-ჯგუფს წარმოვადგენს. თავიდან გვსურდა, რომ სახლში ვყოფილიყავით და ჩვენი უსაფრთხოება ამგვარად უზრუნველგვეყო, თუმცა შემდგომ ვიფიქრეთ და სხვა გამოსავალს მივაგენით. ტერსიომ შეიძინა კოსმონავტის სკაფანდრი, ხოლო ჩაფხუტები თვითონვე დაამზადა“-განაცხადა ალისიამ

შეგახსენებთ, რომ ბრაზილია მსოფლიოში მეორე ადგილზეა კორონავირუსის გავრცელების მასშტაბით. ქვეყანაში სულ 2 099 000 ინფიცირების შემთხვევაა, რომელთაგან 80 000-მდე პაციენტი გარდაიცვალა.