ჩინეთის დასავლეთ ნაწილში, სინიანის პროვინციაში კორონავირუსის შემთხვევების სწრაფი ზრდა აღინიშნა, რის გამოც პროვინციის ხელისუფლება აცხადებს, რომ "საომარ ვითარებაში" იმყოფება.

მათი ინფორმაციით, 19 ივლისს რეგიონში კორონავირუსის 17 დადასტურებული შემთხვევა და 23 - ინფექციის უსიმპტომო გამოვლენა დაფიქსირდა. 269 ადამიანი მეთვალყურეობის ქვეშ იმყოფება.

რეგიონის დედაქალაქ ურუმჩიში მთავრობამ შეზღუდვების დაწესების შესახებ ბძანება 16 ივლისს გამოსცა. შეჩერდა მეტროსა და რკინიგზის მუშაობა, აიკრძალა საჯარო შეხვედრები.

ჯანმრთელობის დაცვის სამსახურმა გაზარდა რეგიონში მედიცინის მუშაკთა რაოდენობა, ურუმჩიში 200 მედიკოსი ჩაება დამატებით ტესტირების საქმეში.

ჩინეთის ჯანდაცვის სახელმწიფო კომისიის თანახმად, 18 ივლისის მონაცემებით ქვეყანაში სულ 252 აქტიური შემთხვევა დაფიქსირდა.