ხანძარი ნანტის "პეტრე-პავლეს" საკათედრო ტაძარში (ვიდეო)

მსოფლიო - 14:46, 18 Jul, 2020

2335

ქალაქ ნანტის "პეტრე-პავლეს" საკათედრო ტაძარში ხანძარი გაჩნდა. ცეცხლი ტაძარს ადგილობრივი დროით 07:30 სთ.-ზე მოედო. ხანძრის გაჩენის მიზეზი ჯერჯერობით დაუდგენელია.

ხანძრის ლიკვიდაციისთვის ნანტში მობილიზებულია 70 სახანძრო ბრიგადა.

როგორც ქალაქ ნანტის სახანძრო სამსახურის უფროსმა ლორან ფერლემ ჟურნალისტებს განაცხადა,

ცეცხლმა ტაძრის შესასვლელი მხარე და ორღანი დააზიანა. არის საშიშროება, რომ ჩამოინგრეს პლატფორმა, რომელზეც ორღანი იდგა. შენობის ჭერი, რომლიც რამოდენიმი წლის წინ ბეტონის თაღებით გაამაგრეს არ დაზიანებულა.

მისი თქმით, ამჟამად ცეცხლი ლოკალიზებულია და მიმდინარეობს მისი კერების ჩაქრობა.

საფრანგეთის პრეზიდენტმა ემანუელ მაკრონმა, რომელიც ამ დროისთვის ბრიუსელში ევროსამიტზე იმყოფება, მეხანძრეებს საკუთარი Twitter-ს გვერდზე მხარდაჭერა გამოუცხადა.

«პარიზის “ნოტრ დამის” შემდეგ, ცეცხლის ალშია გახვეული ნანტის "პეტრე-პავლეს" საკათედრო ტაძარი. მხარდაჭერას ვუცხადებ მეხანძრეებს. რომლებიც სიცოცხლის ფასად იმისათვის იბრძვიან რომ, გადაარჩინონ ეს გოთიკური საგანძური » – დაწერა ემანუელ მაკრონმა.

აღსანიშნავია რომ, ნანტის "პეტრე-პავლეს" საკათედრო ტაძარში ხამძარი 1972 წელსაც გაჩნდა და შენობის დიდი ნაწილის ხელახალი რესტავრირება გახდა საჭირო.

ისტორიული შენობის მშენებლობა 1434 წელს დაიწყო და 457 წლის შემდეგ 1891 წელს დასრულდა.