ამერიკაში ფლორიდელი მამაკაცი დააკავეს მას შემდეგ, რაც იგი მანქანით კათოლოკურ ეკლესიას შეეჯახა და ცეცხლი წაუკიდა შენობას იმ დროს, როდესაც მრევლი უკვე შეკრებილი იყო და ღვთისმსახურების დაწყებას ელოდა.

მერიონის ოლქის შერიფის უწყებაში განაცხადეს, რომ 24 წლის ენტონი შილდი ფურგონის ტიპის ავტომობილით ეკლესიის წინა კარებს შეეჯახა დილის 7:30 წუთზე, შემდეგ მანქანიდან გადმოვიდა და შენობის ფოიეში რამდენიმე ათეული ლიტრი ბენზინი დაღვარა შემდეგ კი აალებად სითხეს ცეცხლი წაუკიდა რათა მრევლი დაეწვა.

როდესაც ენტონი შილდსი უკვე ტოვებდა მიმდებარე ტერიტორიას და გაქცევას ცდილობდა, იგი პოლიციელმა ხოსე გონსალესმა დააფიქსირა და თავისი საპატრულო მანქანით დაეჯახა ბოროტმოქმედს, რომლის მანქანასაც წონასწორობა დააკარგვინა და საბოლოოდ იგი დააკავეს. სამართალდამცავთა ინფორმაციით, მლოცველები არ დაშავებულან.

შილდსმა, რომელიც საკუთარ თავს მეფეს უწოდებს, დეტექტივებს განუცხადა, რომ იგი ასრულებს მისიას და აქვს პრობლემები კათოლოკური ეკლესიის არსებობასთან დაკავშირებით.

გავრცელებული ინფორმაციით, ახალგაზრდა მამაკაცი აგრეთვე დაავადებულია შიზოფრენიით და სწორედ იმავე დღეს მას თავისი დამამშვიდებელი წამლები არც კი მიუღია. შილდსს რამდენიმე დანაშაულის ბრალდებით გაასამართლებენ, რომელთა შორისაა მეორე ხარისხის მკვლელობის მცდელობა, ცეცხლის წაკიდება, ძარცვა და დამალვის მცდელობა. ინციდენტის შედეგად ეკლესია ძალზე მძიმედ დაზიანდა.