იაპონელთა მედიკოსთა ჯგუფმა ისაუბრა იმ ოპერაციის დეტალებზე, რომელიც ჩაუტარდა ერთ-ერთ ახალგაზრდა ქალს მას შემდეგ, რაც მან მიმართა კლინიკას ყელის გაღიზიანებისა და ტკივილის სიმპტომებით. აღმოჩნდა რომ მის გლანდებში 6 სანტიმეტრიანი ჭია ცხოვრობდა.

ექიმების თქმით, 25 წლის ქალმა მიმართა წმინდა ლუკას საერთაშორისო საავადმყოფოს 5 დღიანი გაუსაძლისი ყელის ტკივილის სიმპტომებით. ახალგაზრდას თქმით, ტკივილი მას შემდეგ დაეწყო, რაც სუშიმი (იაპონური დელიკატესი შემდგარი უმი ზღვის პროდუქტებისგან) შეჭამა.

მედიკოსთა ჯგუფმა ოპერაციის განმავლობაში აღმოაჩინეს ქალის ნუშისებრ ჯირკვალში 6 სანტიმეტრის სიგრძის შავი ჭია, რომელიც პინცეტით ამოიღეს. ექიმების თქმით, ძალზე ხშირია შემთხვევები, როდესაც ზემოხსენებული პრობლემის მსგავსი შემთხვევა გამოწვეულია უმი თევზეულობის ჭამით - ჭიები ხშირად აინფიცირებენ და წამლავენ იმ ადამიანების კუჭნაწლავს, რომლებიც მოუხარშავ ან უმ თევზს მიირთმევენ.

1 წლის განმავლობაში უმი თევზიდან ჭიით მოწამვლის 700 შემთხვევა დაფიქსირდა იაპონიაში, ნიდერლანდებში, სამხრეთ ამერიკასა და ჩრდილო წყნარი ოკეანის აუზის ქვეყნებში. ექიმების განცხადებით, ქალის სიმპტომები საგრძნობლად გაუმჯობესდა მას შემდეგ, რაც ამოუღეს ჭია და მისი სისხლი ნორმაში ჩადგა.