ოქსფორდის უნივერსიტეტის მკვლევარები დარწმუნებულნი არიან, რომ მათ მიერ კორონავირუსის ვაქცინის განვითარებაში შეტანილი წვლილი წარმოადგენს უდიდეს მეცნიერულ მიღწევას.

მეცნიერთა თქმით, მოხალისეებზე ჩატარებულმა ცდებმა ძალზე დამაიმედებელი შედეგები გამოიღო, რომლითაც ვარაუდობენ, რომ ადამიანების ორგანიზმი ორმაგად დაცული იქნება აღნიშნული ვაქცინის მიღების შედეგად.

ბრიტანული მედიის ინფორმაციით, მოხალისეების სისხლის ნიმუშებმა აჩვენეს, რომ ვაქცინა ხელს უწყობს სხეულში ანტისხეულებისა და T-უჯრედების წარმოქმნას, რომელთაც თავდაცვითი უნარი გააჩნია ვირუსული ნაწილაკებისგან.

აღნიშული უჯრედები ასრულებენ საკვანძო ფუნქციას ორგანიზმის იმუნურ უსაფრთხოებაზე. ეპიტემიოლოგები და მკვლევარები იმედოვნებენ, რომ ანტისხეულებისა და T-უჯრედების კომბინაცია დაიცავს ხალხს კოვიდინფიცირებისგან. ამ პროექტზე მომუშავე ხელმძღვანელ პირთა თქმით, ვაქცინა სექტემბრის ბოლოსთვის უკვე ფართო მასებისთვის იქნება ხელმისაწვდომი.