6 წლის ბავშვი, რომელსაც 3 მეტრიანმა ნიანგმა თავზე უკბინა და შემდეგ წყალში ჩაათრია, ამჟამად უმძიმეს მდგომარეობაში იმყოფება. აღნიშული შემთხვევა მექსიკაში მოხდა.

აღნიშნული შემთხვევა მოხდა ქალაქ იხტაპაში, პალმარის სანაპიროზე,სადაც მცირეწლოვანი ბავშვი თავის დასთან ერთად თამაშობდა. ამის შესახებ წერს SKYNEWS-ი. ბავშვები მდინარის შესართავს „იკვლევდნენ“ და სწორედ ამ დროს მოულოდნელად ამოყვინთა წყლიდან ნიანგმა. აღნიშული ტერიტორიული წყლები წარმოადგენს ნიანგების მასობრივ ადგილსამყოფელს. ამავე ნიანგებს მიმდებარედ არსებული სასტუმროების თანამშრომლები აქტიურად კვებავენ, რათა ამ ქვეწარმავალმა გაართოს და მოხიბლოს ტურისტები.

თვითმხილვევლთა თქმით, ნიანგმა ბავშვი მოულოდნელად ჩაათრია სანაპიროდან წყალში, სადაც 10 წუთის განმავლობაში უტევდა მსხვერპლს და აყენებდა მძიმე ჭრილობებს მხრებზე, მკერდსა და ფეხებზე.

მას შემდეგ, რაც სამმეტრიან ნიანგს ტურისტებმა, მაშველებმა-პარაშუტისტებმა ინტენსიურად დაუშინეს ქვები, ქვეწარმავალმა მცირეწლოვანს გაქცეის საშუალება მისცა.

ბავშვის დაზიანებები იმდენად მძიმე იყო, რომ იგი სასწრაფო დახმარების ჯგუფმა წაიყვანა საავადმყოფოში- იგი გზაში პერმანენტულად კარგავდა გონებას და პერიოდულად აზრზე მოდიოდა. 6 წლის ბიჭი ამ დრომდე ხელოვნური სუნთქვის აპარატზეა მიერთებული.