აზერბაიჯანის თავდაცვის სამინისტრო გამოეხმაურა სომხური მხარის განცხადებას მინგეჩაურის წყალსაცავის დაბომბვასთან დაკავშირებით.

როგორც აზერბაიჯანული მედია იტყობინება, თავდაცვის სამინისტროს პრეს-სპიკერმა , პოლკოვნიკმა ვაგიფ დარიახლივმა განაცხადა: „იმ ტერიტორიის რელიეფზე, რომელზეც მინგეჩაურის წყალსაცავი მდებარეობს, სრულად მიმდინარეობს თანამედროვე ანტისარაკეტო სისტემების განლაგება, მისი დაცვის გაძლიერება და უსაფრთხოების უზრუნველყოფა, რომლის ფონზე ჩვენი არმია მტერს არ მისცემს უფლება, სტრატეგიული ობიექტს თავს დაესხას“.

„ამავდროულად არ უნდა დაავიწყდეს სომხურ მხარეს, რომ ჩვენ ვფლობთ ულტრათანამედროვე ტიპის სარაკეტო სისტემებს, რომელიც მოგვცემს შესაძლებლობას უზუსტესი დარტყმით დავბომბოთ მეწამორის ატომური ელექტროსადგური, რაც სომხეთისთვის კატასტროფის მომტანი იქნება.

შეგახსენებთ, რომ აზერბაიჯანს რამდენიმე ტიპის უმაღლესი ტექნოლოგიების მქონე მცირე მანძილზე მოქმედი ტაქტიკური და საშუალო რადიუსში ოპერირებადი ბალისტიკური რაკეტები გააჩნია შეიარაღებაში, რომელთაგან აღსანიშნავია 400 კილომეტრზე მოქმედი ებრაული წარმოების LORA-ს ტიპის GPS-ით მართვადი ჰიპერბგერითი რაკეტები. გავრცელებული ინფორმაციით მსგავსი ტიპის 50-მდე რაკეტას ფლობს აზერბაიჯანი, რომელთა გაშვება ხდება ხომალდზე მოწყობილი მობილური სპეციალური გადამზიდის ტიპის კონტეინერიდან.

აზერბაიჯანელები ფლობენ აგრეთვე 10-მდე ბელორუსულ POLONEZ-ის ტიპის სარაკეტო დანადგარს, რომელიც 300 მმ-იან რაკეტებს აგზავნის 200 კილომეტრ მანძილზე.

აზერბაიჯანი აგრეთვე ფლობს თურქული წარმოების ახლო მანძილზე, 120 კილომეტრზე მოქმედ ტაქტიკურ სარაკეტო დანადგარ TRG-300 TIGER MISSILE-ს, რომელიც ასევე ულტრათანამედროვე ტექნოლოგიებითაა დამზადებული კომპანია ROKESTAN-ის მიერ და რაკეტის მართვა GPS ნავიგაციითა და სატელიტური დაკვირვების სისტემებით ხდება, რაც უზრუნველყოფს მის უზუსტეს იერიშს სამიზნეზე. გავრცელებული ინფორმაციით, სულ 20 ასეთი გამშვები დანადგარი და 100-მდე რაკეტაა აზერბაიჯანის შეიარაღებაში.