თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა, რომ ოთხი ახალი შემთხვევიდან სამი იმპორტირებულია.

ეზუგბაიას თქმით, ერთი ახალი დადასტურებული შემთხვევის წყარო ამ დროისთვის უცნობია.

„დღევანდელი მონაცემებით, ქვეყანაში 1 003 დადასტურებული შემთხვევაა. გამოჯანმრთელებულია 853 პაციენტი. ამ მონაცემებით, 87% არიან გამოჯანმრთელებულები ინფიცირებულთა შორის.

4 ახალი შემთხვევიდან 3 შემოტანილი შემთხვევაა, ორი სატვირთო ავტომობილის მძღოლია, ხოლო 1 საკარანტინე სივრციდანაა. მეოთხე შემთხვევის წყაროს მოძიება მიმდინარეობს და ალბათ, ჩაღრმავებული კვლევის შედეგად მოხდება. თითქმის ყველას წყარო დადგენილია რაც დადასტურებული შემთხვევაა“, - განაცხადა ეზუგბაიამ.