ირანის უზენაესმა სასამართლომ განაცხადა, რომ სიკვდილით დასაჯეს ირანელი აგენტი, რომელიც დაკავშირებული იყო ამერიკის ცენტრალურ სადაზვერვო სააგენტოსთან.

ირანული სამართალდამცავი უწყებების ინფორმაციით, რეზა ასგარმა, ირანის თავდაცვის სამინისტროს ყოფილმა თანამშრომელმა, ქვეყნის სარაკეტო პროგრამის შესახებ საიდუმლო ინფორმაციები მიჰყიდა CIA-ის, რაც გახდა მისი სიკვდილის დასჯის მიზეზი.

„რამდენიმე წლის წინ იგი შეურთდა ამერიკის დაზვერვას, რომელსაც ფულის სანაცვლოდ ჩვენი რაკეტების შესახებ ინფორმაცია მიაწოდა.“ განაცხადა ირანის სასამართლო სისტემის პრესსპიკერმა, გოლამჰოსეინ ესმაილმა.

მსგავსი შემთხვევა დაფიქსირდა აგრეთვე ამავე წლის ივნისში, როდესაც თავდაცვის სამინისტროს ყოფილი თანამშრომელი, ჯალალ ჰაჯიზავარი CIA-ისთან ფინანსური სარგებლის მიღების შემდეგ ურთიერთკავშირისა და შპიონაჟის ბრალდებით ჩამოახრჩვეს. მის ცოლს აგენტურულ საქმიანობაში ჩართულობის გამო კი 15 წლით თავისუფლების აღკვეთა მიესაჯა.

ამ მოვლენებამდე კი 2016 წელს ირანმა ქვეყნის ეროვნულ ბირთვულ პროგრამაში მოღვაწე ცნობილი მეცნიერი სცნო ბრალდებულად ამერიკის სასარგებლოდ ჯაშუშობაში, რომლის შემდეგაც ისიც ზემოხსენებული მსგავსი ფორმით სიკვდილით დასაჯეს.