დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, ზღვა კორონავირუსის გავრცელებისთვის საფრთხეს არ წარმოადგენს.

მისვე განმარტებით, საფრთხის შემცველია პლაჟი, თუ მოქალაქეებს შორის დისტანცია არ იქნება დაცული.

„ვირუსის გენეტიკური მასალა ნაპოვნია ჩამდინარე წყლებში, მაგრამ ამ ვირუსის გენეტიკური მასალა რამდენად სიცოცხლისუნარიანია, ამაზე უკვე ბევრი კვლევაა ჩატარებული. აქედან გამომდინარე, ზღვა არ წარმოადგენს კორონავირუსის გავრცელების საფრთხეს, პლაჟი გაცილებით უფრო საფრთხილოა, თუ არ დავიცავით დისტანცია“, – განაცხადა იმნაძემ.