მას შემდეგ, რაც კორონავირუსი პანდემიად გამოცხადდა, უამრავი ტურისტი სხვადასხვა ქვეყანაში ჩარჩა - საერთაშორისო სატრანსპორტო ხაზის სრულიად გათიშვამ და საზღვრების ჩაკეტვამ აიძულა ადამიანებს, დამორჩილებოდნენ მთავრობათა მიერ მიღებულ გადაწყვეტილებას კარანტინების ფონზე გადაადგილების შეზღუდვასა და აკრძალვასაც კი.

სწორედ ამ დილემის ქვეშ აღმოჩნდა ეროვნებით ერთ-ერთი არგენტინელი მამაკაცი, რომელმაც სამშობლოში დაბრუნების გადაწყვეტილება საერთაშორისო ფრენების აკრძალვის გამო იალქნიანი ნავით მიიღო. მან კორონავირუსული მწვავე პანდემიის განმავლობაში იალქნიანი ნავით ატლანტის ოკეანე გადაცურა. მანუელ ბალიესტერო პორტუგალიაში, პორტუ-სანტუს კუნძულზე იმყოფებოდა, ხოლო მისი ოჯახი კი არგენტინაში იყო. 47 წლის მამაკაცმა ხანდაზმული მამის სანახავად ჩასვლა იალქნიანი ნავით გადაწყვიტა.

„ოჯახთან შესახვედრად ყველაფრისთვის ვიყავი მზად. ასეთი დისტანციის დასაფარად მამაჩემისგან მიღებული ცოდნა გამომადგა“- განაცადა ხუან მანუელმა.

მისმა მოგზაურობამ 85 დღეს გასტანა, რა დროის განმავლობაშიც სხვადასხვა პორტებში ჩერდებოდა, რათა საკვებისა და საწვავის მარაგებით შევსებულიყო. მოგზაურობის დასასრულს იგი ძლიერ, რამდენიმე ბალიან შტორმში მოყვაა , რის გამოც მოუხდა ბრაზილიაში დარჩენილიყო ცოტა ხნით. მიუხედავად უმძიმესი მეტეოროლოგიური პირობებისა, მას არც კი უფიქრია უკან გაბრუნებასა და დანებებაზე.

არგენტინაში ჩასვლისთანავე მან კოვიდ 19-ზე ტესტი აიღო, რამაც უარყოფითი შედეგი აჩვენა. იგი მამასთან ოჯახში გაემგზავრა და მისი 90 წლის იუბილე სხვადასხვა წევრებთან და მეგობრებათან ერთად აღნიშნე.