ამერიკის მაღალჩინოსანი სამხედროს განცხადებით, სადაზვერვო უწყებები მუშაობენ შესაბამისი მტკიცებულებების მოპოვებით იმ ბრალდებების დადასტურებას, რომლითაც გამყარდება ეჭვები, რომ რუსები თალიბანის მებრძოლებს ამერიკელი ჯარისკაცების მკვლელობისთვის ფულს უხდიდნენ.

გენერალი მარკ მაილის თქმით, აღნიშნული ბრალდების დამტკიცების შემთხვევაში აუცილებლად იქნება მკაცრი პასუხი რუსეთის წინააღმდეგ.

„ჩვენ ამ საქმეს სიღრმიდან ვიკვლევთ. თუ სინამდვილეში დადასტურდება, რომ ეს იყო შეკვეთილი მკვლელობები, მაშინ მეც და თითოეული ჩვენგანი, ვისაც ფორმა გვაცვია ძალზე შებღალული, შეურაცხყოფილი გამოვდივართ. ეს ძალზე მნიშვნელოვანია. ჩვენ ჯერ ამ მასშტაბის ფაქტები არ გაგვაჩნია, თუმცა ჯერ კიდევ ვმუშაობთ“ - აღნიშნა მარკ მაილიმ.

„ეს საკითხი სტრატეგიულ დონეზეა. აქ არის დიპლომატიური, ეკონომიკური და ინფორმაციული საკითხები. სანქციები , სატელეფონო ზარები და სხვა სახის ზეწოლებია და მე შემიძლია გითხრათ, რომ ამ ჩამოთვლილი ბერკეტებიდან ნაწილი გაკეთებულია. ვახორციელებთ ამისთვის საკმარის ღონისძიებას? ალბათ არა, ეს არა მხოლოდ რუსების, აგრეთვე სხვა მოწინააღმდეგეების შემთხვევაშიც ესეა.“ - განაცხადა მაილიმ.

შეგახსენებთ, რომ აღნიშნულ ბრალდებებთან დაკავშირებით NEW YORK TIMES-მა ჩაატარა ჟურნალისტური გამოძიება, რომლითაც ღიად ადებდნენ ხელს რუსეთის სამხედრო დაზვერვას, რომელიც თალიბანის მებრძოლებს უხდიდა ფულს ავღანეთში მყოფი ამერიკელი და კოალიციის ძალების სამხედროთა მკვლელობისთვის.