ბოლივიის პრეზიდენტის მოვალეობის შემსრულებელს, ჟანინ ანიეს ჩავესს კორონავირუსი დაუდასტურა, ამის შესახებ მან TWITTER-ის საკუთარ გვერდზე ვიდეო გამოაქვეყნა.

„ტესტმა დაადასტურა, რომ კორონავირუსი მაქვს, თუმცა თავს ნორმალურად ვგრძნობ და საქმიანობის განხორციელებას თვითიზოლაციიდან ვაგრძელებ”. იგი 14 დღის განმავლობაში დარჩება კარანტინში, სადაც ექიმები აქტიურად დააკვირდებიან მის ჯანმრთელობის მდგომარეობას.

შეგახსენებთ, რომ ბოლივიაში კოვიდ 19-ით 44 113 ადამიანი დაინფიცირდა, ხოლო 1700-მდე პაციენტი კი გარდაიცვალა. 29 121 მათგანი ამ დრომდე საავადმყოფოში რჩება და აქტიური მკურნალობის კურსს გადის. სამხრეთ ამერიკაში ამ დრომდე მძიმე ეპიდ ვითარებაა-ბრაზილიელი მოქალაქეების მიმართ ტურისტულ მიმოსვლას მკაცრად აკონტროლებენ მეზობელი ქვეყნები.