რუსეთის ეროვნული კოსმოსური სააგენტოს პრესსპიკერი დააკავეს სახელმწიფო ღალატის ბრალდებით. როსკოსმოსის ოფიციალურ განცხადებაში ნათქვამია, რომ ყოფილი ჟურნალისტი ივან საფრონონოვის დაპატიმრება არ იყო დაკავშირებული მის ამჟამინდელ სამსახურთან.

რუსეთის უსაფრთხოების ფედერალური სამსახურის ოფიციალური განცხადებით, იგი ეჭვმიტანილია შპიონაჟში ჩრდილო ატლანტიკური ალიანსის სასარგებლოდ. საფრონოვი აგრეთვე სამხედრო რეპორტიორიც იყო ცნობილი გაზეთების, კომერსანტისა და ვედომოსტისთვის. საფრონოვი მაისში საინფორმაციო მრჩევლის სტატუსით შეუერთდა როსკოსმოსს, რომელსაც დიმიტრი როგოზინი ხელმძღვანელობს.

გაზეთი კომერსანტი, სადაც ივანი ათწლეულობის განმავლობაში მუშაობდა, აბსურდულ უწოდებს საფრონოვის მიმართ გამოთქმულ ბრალდებებს. ჟურნალისტები მას მოიხსენიებენ, როგორც პატრიოტ ადამიანს. სახელმწიფო მედიის თქმით, როსკოსმოსის ყოფილი პრესსპიკერი მაშინ, როდესაც იგი სამხედრო ჟურნალისტად მუშაობდა, ნატოს წლების განმავლობაში აწვდიდა საიდუმლო სამხედრო ინფორმაციას,

რუსეთის საგამოძიებო უწყებების განცხადებით, საფრონოვმა შეაგროვა და გადასცა თავის ფარულ წარმომადგენლებს საიდუმლო სადაზვერვო ინფორმაცია რუსეთის სამხედრო-ტექნიკური ცენტრის, სამხედრო და უსაფრთხოების სფეროში არსებული საიდუმლო დოკუმენტაცია და ფაქტობრივი მასალები.