ახალი კვლევის შედეგად დადგინდა, რომ კორონავირუსის მიერ შექმნილი კრიზისის გამო ათიათასობით ადამიანმა, რომელიც შესაძლოა, ნაწლავის, საშვილოსნოს ყელისა და მკერდის სიმსივნით იყოს დაავადებული ვერ მოახერხა კლინიკებში დიაგნოსტიკა.

მეცნიერები შიშობენ, რომ აღნიშნული ფაქტი ძალზე მძიმე შედეგებს გამოიწვევს 2021 წელს, რომლის შედეგადაც მხოლოდ ბრიტანეთში შესაძლოა, სტანდარტულზე 35 000-ით მეტი პაციენტი დაიღუპოს კიბოსგან.

ბრიტანელი მკვლევარების თქმით, კოვიდ 19-ის პანდემიის პერიოდში მკერდის, საშვილოსნოს ყელისა და ნაწლავურ სიმსივნეზე დიაგნოსტიკა 2 მილიონზე მეტ ადამიანს ვერ ჩაუტარდა. ინგლისის ეროვნული საავადმყოფოს კლინიკურმა დირექტორმა კი აღნიშნა, რომ სამედიცინო უწყება უმოკლეს ვადებში ცდილობს სიმსივნის მომსახურების ცენტრების ნორმალურ რეჟიმში აღდგენას.

მისი თქმით, ნორმალურ ფუნქციონირებას სამედიცინო ცენტრები წლის ბოლოს დაუბრუნდება და ჩვეულ რეჟიმში შეძლებენ სიმსივნური პაციენტების დიაგნოსიტრებას.