შეეჯახა თუ არა გიორგი შაქარაშვილს ავტომობილი - ტრანსოლოგიური ექსპერტიზის პასუხი ცნობილია.

დაკავებული მორაგბეების ადვოკატი ამბობს, რომ შეჯახების ალბათობა გამოირიცხა. გარდა ამისა, საქმის ათ ტომს კიდევ ორი დაემატა, თუმცა დეტალები ამ დროისათვის იურისტებისთვის უცნობია.

"ვერსია, რომელიც იყო საგამოძიებო ორგანოში, თუ საზოგადოებაში, რომ შესაძლოა შაქარაშვილზე ავტომობილით განხორციელებულიყო შეჯახება, ეს გამოირიცხა, ვინაიდან ჩვენ გვაქვს ტრანსოლოგიური ექსპერტიზა, რითაც ფაქტობრივად გამოირიცხა ადამიანთან შეჯახება და პირდაპირ გვაქვს, რომ ეს არის მოქმედი ძალით განვითარებული, ავარიული ხასიათის, ბლაგვ საგანთან შეჯახების შედეგად წარმოქმნილი დაზიანება," - აცხადებს ფეხბურთელის საქმეზე ბრალდებული მორაგბეების არჩილ გაგნიძის და ვასილ მახარაძის ადვოკატი ვასილ მამულაშვილი.