აშშ-ის პრეზიდენტმა დონალდ ტრამპმა ქვეყნის დამოუკიდებლობის დღის აღსანიშნავი სიტყვით რაშმორი მთიდან, ცნობილი "პრეზიდენტების ბარელიეფიდან" მიმართა. იგი განსაკუთრებით მკაცრად გამოეხმაურა იმ ადამიანებს, რომლებმაც აშშ-ის ისტორიული პიროვნებების ქანდაკებები დააზიანეს, მათი რასიზმში დადანაშაულების გამო. მისი სიტყვებით, გაბოროტებულმა ბრბოს აშშ-ის ისტორიის განადგურება სურს, თუმცა, ისინი მიზანს ვერ მიაღწევენ.

"ეს ძეგლი არასდროს შეიბღალება, ამ გმირების სახეებს ვერავინ დააზიანებს, ის იდგება როგორც ჩვენი დამფუძნებლების ხსოვნისა და ჩვენი თავისუფლების სიმბოლო. ჩვენი ქვეყანა ჩვენი ისტორიის განადგურების სასტიკი კამპანიის მოწმე გახდა, ჩვენი ღირებულებების წაშლისა და ჩვენი ბავშვების ინდოქტრინიზაციის კამპანიის. გაბოროტებული ბრბო ცდილოვს გაანაგდუროს ჩვენი დამპუძნებლების ქანდაკებები, შეურაცხყოს ჩვენი წმინდა მემორიალები, აავსოს ჩვენი ქალაქები ძალადობითა და დანაშაულებებით. ჩვენ ვერ დაგვადუმებენ!" - განაცხადა ტრამპმა.