თბილისის ინფექციური საავადმყოფოს ბოქსირებული განყოფილების უფროსის მარინა ენდელაძის განცხადებით, ინფექციური საავადმყოფო დღეს სამმა გამოჯანმრთელებულმა პაციენტმა დატოვა.

„ინფექციური პათოლოგიის ცენტრში ამ დროისთვის 19 კოვიდინფიცირებული პაციენტი მკურნალობს. დღეს გაეწერა სამი გამოჯანმრთელებული პაციენტი. დარჩენილი ინფიცირებულებიდან უმეტესობის ჯანმრთელობის მდგომარეობა დამაკმაყოფილებელია. გვყავს რამდენიმე საშუალო სიმძიმის პაციენტიც. დილით ასევე კოვიდტესტი ჩაუტარდება რამდენიმე პაციენტს“,- განაცხადა ენდელაძემ.

საქართველოში ამ დროისთვის კორონავირუსის 931 დადასტურებული შემთხვევაა დაფიქსირებული, მათ შორის 794 პაციენტი გამოჯანმრთელდა.