ირანის დედაქალაქ თეირანის კლინიკაში აფეთქება მოხდა, რომელმაც 19 ადამიანი იმსხვერპლა. რამდენიმე მათგანი მძიმედ დაშავდა, არის ინფორმაცია, რომ გარდაცვლილთა რიცხვი გაიზრდება.

ირანის სამთავრობო მედიაში ხელისუფლების მაღალჩინოსნებმა განაცხადეს, რომ აფეთქების მიზეზი გაზის გაჟონვა გახდა. ცეცხლი მეხანძრეებმა ინციდენტიდან რამდენიმე საათში ჩააქრეს.

გავრცელებული ინფორმაციით, გარდაცვლილთა უმრავლესობა საოპერაციო ოთახებში მყოფი ახალნაოპერაციები პაციენტები იყვნენ, რომელთა გარდაცვალების ძირითად გამომწვევ მიზეზად ხანძართან ერთად, აალების შედეგად მაღალი ტემპერატურა და კვამლი სახელდება. დაღუპულთა შორის უდიდესი ნაწილი ქალია.

შეგახსენებთ, რომ რამდენიმე დღის წინ მოხდა დიდი აფეთქება ირანის სამხედრ ობიექტზეც, რომლის მიზეზადაც სწორედ გაზის გაჟონვა სახელდება.