სირიელმა ჯარისკაცმა ინტერნეტში გამოაქვეყნა ვიდეო, სადაც ასახული იყო თუ როგორ უხსნიდა იგი სირიის პრეზიდენტის ბაშარ ალ-ასადის 16 წლის ქალიშვილს სიყვარულს. მან პრეზიდენტის ქალიშვილს საჯაროს სთხოვა ხელი და დაქორწინების სურვილი გამოთქვა.

იაზან სოლტანიმ, სირიის არმიის მებრძოლმა ყურადღება არ მიაქცია ახლობელი ადამიანებისა და აგრეთვე საზოგადოების დიდი ნაწილის გაფრთხილებას ვიდეოს ატვირთვის შემდეგ მოსალოდნელი შედეგების გამოწვევის გამო.

ვიდეოში სოლთანი ასადის შვილს მიმართავს: „ მე შენ მიყვარხარ, ნამდვილად მიყვარხარ, ვგიჟდები შენზე, შენ ჩემი ხარ, მე კი შენი. გახდი ჩემი“. ჯარისკაცის ფორმაში გამოწყობილი ახალგაზრდა მამაკაცი აცხადებს, რომ იგი ყველაფერს გააკეთებს ასადის შვილზე დასაქორწინებლად. გავრცელებული ინფორმაციით, სოლთანი სამშაბათს უკვე გაუჩინარდა. მისი დის განცხადებით, ძმა დააპატიმრეს. ადგილობრივ ტელევიზიაში ჯარისკაცის ოჯახის წევრებმა განაცხადეს, რომ სოლთანი სირიის სამთავრობო ციხეში იმყოფება ტყვეობაში.