ბრიტანელი თინეიჯერი, რომელმაც გოგონა გააუპატიურა, მშობლებმა აიძულეს ეღიარებინა ჩადენილი დანაშაული მას შემდეგ, რაც დედას აღმოაჩინა შვილის მიერ მსხვერპლისთვის მიწერილი წერილი, სადაც ბიჭი ბოდიშს იხდიდა ჩადენილი დანაშაულის გამო.

იმის გამო, რომ 18 წლის ჯეკ ევანსისთვის მის მსხვერპლს არ უჩივლია, მის მიმართ ჩადენილი დანაშაულის საქმე სასამართლომდე არც კი მისულა. მომხდარი ფაქტიდან ორი თვის შემდეგ ჯეკმა მისწერა თინეიჯერ გოგონას, სადაც ეწერა თუ როგორ სწუხდა იგი ჩადენილის გამო- აღნიშნული შეტყობინება კი ბიჭის 47 წლის მშობლებმა იპოვეს და აიძულეს შვილს, რომ დანაშაულის შესახებ პოლიციაში განეცხადებინა. მამამ ბიჭი პოლიციაში წაიყვანა, სადაც ოფიცრებს გაუმხილა თავისი ვინაობა და მოუყვა მათ მომხდარის შესახებ.

სამართალდამცავებმა დაკითხეს ახალგაზრდა მამაკაცის მსხვერპლი, რომელიც აღმოჩნდა რომ გაუპატიურებამდე ქალიშვილი იყო- გოგონამ დაადასტურა ძალადობის ფაქტი, რის შემდეგაც ჯეკს გაუპატიურების გამო ბრალი წარედგინა. ბიჭის მამამ სასამართლოდ განუცხადა: „ მე მინდოდა რომ მას სიმართლე ეთქვა, იგი სწორად უნდა მოქცეულიყო და ეღიარებინა ჩადენილი დანაშაული“. ევანსს სამხრეთ უელსის სასამართლომ 2 წლით თავისუფლების აღკვეთა მიუსაჯა.