ჯონ ჰოპკინსის უნივერსიტეტის მიერ შეგროვებული მასალების თანახმად დგინდება, რომ მსოფლიო საზოგადოებაში კორონავირუსის ფატალური შემთხვევების რაოდენობის მხრივ კიდევ ერთი საზარელი სტატისტიკა დაფიქსირდა- დაღუპულთა რაოდენობა უკვე 500 000-ს გასცდა.

დაავადების გავრცელება მიუხედავად ზაფხულისა და ვირუსთან ბრძოლის კონკრეტული გეგმების შემუშავებისა, მაინც ძალზე მასშტაბურად მიმდინარეობს- აშშ-ში ამ დრომდე რჩება ზემოხსენებული ინფექციით 1, 415 000 დაავადებული პაციენტი, გარდაცვლილთა რიცხვი კი უკვე თითქმის 130 000-ია.

უკანასკნელი „ვიქენდის“ განმავლობაში კოვიდ ინფიცირებულთა რიცხვი მსოფლიოში უკვე 10 მილიონს გასცდა.

მხოლოდ 1-იდან 27 ივნისამდე არსებული სტატისტიკური ინფორმაციის თანახმად დგინდება, რომ ყოველ 24 საათში კოვიდ 19-ისგან 4700-ზე მეტი ადამიანი იღუპებოდა, დღეს კი რიცხვი ოდნავ გაზრდილია. უკანასკნელ 5 თვეში კოვიდ-19ით გარდაცვლილთა რაოდენობამ გადააჭარბა იმ პაციენტთა რიცხვს, რომლებიც მალარიით კვდებიან ყოველ წლიურად. საშუალოდ კორონავირუსი უკანასკნელი მონაცემების მიხედვით, კლავს 78 000 ადამიანს თვეში, აივ ინფექციისგან კი იღუპება 64 000-მდე პაციენტი, ხოლო 36 000 კი მალარისგან ასრულებს სიცოცხლეს ფატალურად.

კორონავირუსის გავრცელებამ უკანასკნელ პერიოდში ძალზე მასშტაბური სახე მიიღო აგრეთვე ბრაზილიში, სადაც 1,345 000 ადამიანი დაავადდა ინფექციით, ხოლო 58 000-მდე მათგანი კი გარდაიცვალა აღნიშული ვირუსით.

მძიმეა ევროპაშიც მდგომარეობა, სადაც რუსეთმა ვირუსის გავრცელების მხრივ კონტინენტის ყველა „ქვეყანა ჩამოიტოვა“ . ადგილობრივი მედიისა და არასამთავრობო ორგანიზაციათა ინფორმაციით, ხელისუფლება მალავს რეალურ მონაცემებს და გარდაცვლილთა რაოდენობა გაცილებით მეტია ოფიციალურ რიცხვებზე. რუსეთში სულ 634 000-ზე მეტი შემთხვევაა აღრიცხული, რომელთაგან 226 277 ამ დრომდე საავადმყოფოში გადის მკურნალობის კურსს.