რუსეთ-ევროპის საზღვართან რადიაციის მომატებული დონე დაფიქსირდა

რუსეთ-ევროპის საზღვართან რადიაციის მომატებული დონე დაფიქსირდა - რა ხდება პეტერბურგის რეაქტორზე

მსოფლიო - 22:49, 28 Jun, 2020

935

რუსეთ-ევროპის საზღვართან რადიაციის მომატებული დონე დაფიქსირდა. ამის შესახებ განცხადება "ბირთვული იარაღი გამოცდის საყოველთაო აკრძალვის შეთანხმების" ორგანიზაციამ გაავრცელა.

ორგანიზაციის ინფორმაციით, რადიაციის დონემ იმატა შვედეთისა და ფინეთის სამხრეთ ნაწილში, ასევე ესტონეთის, ლატვიისა და ნორვეგიის ზოგოერთ ნაწილში. მათი ცნობით, რადიაციის დონე ადამიანისათვის საშიში არ არის. ექსპერტები აცხადებენ, რომ გამოსხივებული იზოტოპები ე.წ. სამოქალაქო ხასიათისაა.

საგულისხმოა, რომ რადიაციის მატების ზონაში სანკტ-პეტერბურგიც არის მოქცეული. ნიდერლანდების ჯანმრთელიობისა და გარემოს ეროვნული ინსტიტუტის მონაცემებით რადიაციული დაბინძურების მატების წყარო რუსეთიოს დასავლეთ ნაწილში მდებნარეობს. სწორედ სანკტ-პეტერბურგთან მდებარეობს საბჭოთა პერიოდში შექმნილი RBMK ტიპის რეაქტორი, რომელიც 2018 წელს გააჩერეს. შეგახსენებთ, რომ ჩერნობილში სწორედ RBMK ტიპის, ანუ მაღალი სიმძლავრის არხობრივი რეაქტორი აფეთქდა. ამ ტრაფედიის შემდეგ მას შემდეგ, რუსეთში ამ ტიპის რეაქტორებს მნიშვნელოვანი მოდიფიკაცია ჩაუტარეს, გაითვალისწინეს დიზაინში გაპარული ფატალური ხარვეზები, თუმცა, მათი უსაფრთხოების სრული ნდობა საეჭვოა.

თავის მხრივ, Росэнергоатом-ი აცხადებს, რომ ატომურ რეაქტორზე არავითარი საგანგებო ვითარება არ შექმნილა.