ამერიკის შეერთებული შტატების სამხედრო-საზღვაო ძალებმა GENERAL DYNAMICS-ის სამხედრო კომპანიასთან COLUMBIA-ს კლასის ორი ატომური წყალქვეშა ნავის მშენებლობაზე მოაწერეს კონტრაქტს ხელი- იგეგმება TRIDENT-ის ბალისტიკური რაკეტებით აღჭურვილი ოჰაიოს ტიპის წყალქვეშა ხომალდების ჩანაცვლება, რომელიც გასული საუკუნის ბოლოს შეიქმნა ფლოტისთვის.

ხელშეკრულების მთლიანი ღირებულება 10.3 მილიარდ დოლარს შეადგენს, რაც მიმდინარე წლის რუსეთის სამხედრო ხარჯების( $27.5 მლრდ) საერთო რაოდენობის მესამედს შეადგენს. კონტრაქტის გათვალისწინებით, მშენებელი კომპანიის მოვალეობებში შედის ხომალდების დიზაინის დაპროექტება, საინჟინრო საქმიანობების განხორციელება, ხომალდის აწყობა და ტექნიკური უზრუნველყოფა, აგრეთვე გემთმშენებლის საწარმოო ხაზის გაძლიერება. გავრცელებული ინფორმაციით, ზემოხსენებული ტიპის წყალქვეშა ხომალდის პირველი ვერსიის გამოშვება იგეგმება 2021 წელს, მეორე ხომალდისა კი 2024-ში.

ამ დრომდე გასაიდუმლოებულია ამერიკული წყალქვეშა ნავის ტექნიკურ-ტაქტიკური მახასიათებლები, თუმცა ერთ-ერთი ვერსიის ცნობილია მისი გაბარიტები- ვარაუდობენ, რომ ხომალდის სიგრძე 170 მეტრზე მეტი იქნება, ხოლო სიგანე კი 13 მეტრამდე. ერთ-ერთი ვერსიით, ოჰაიოს კლასის წყალქვეშა ნავების მსგავსად ისიც ტრიაიდენტ დ5-ის ტიპის უახლესი მოდიფიკაციის ბალისტიკური რაკეტებით იქნება აღჭურვილი. საუბარია აგრეთვე უახლეს სარადარო და ძლიერ რადიოელექტრონული ბრძოლის საშუალებებზე, რომელთა შესახებ დეტალური ინფორმაცია ამ დრომდე უცნობია.