ირანში დააკავეს მამაკაცები, რომლებიც ინსტაგრამის საშუალებით ეწეოდნენ ტრეფიკინგულ საქმიანობას და ბავშვებს ყიდდნენ. თეირანის პოლიციის ხელმძღვანლის, ჰოსეინ რაჰიმის თქმით, ბოროტმოქმედების მიერ გასაყიდ სიაში ერთ-ერთი ბავშვი 20 დღის იყო, ხოლო მეორე კი 2 თვის. ამის შესახებ წერს BBC-ი.

გავრცელებული ინფორმაციით, დამნაშავეები ბავშვებს $ 500 -ად ყიდულობდნენ, ხოლო შემდეგ მათ ხელახლა ყიდდნენ 2000-იდან $2500-ის ფარგლებში. ერთ-ერთი დაპატიმრებული მამაკაცის განცხადებით, ისინი ბავშვებს ღარიბი ოჯახებისგან ყიდულობდნენ და შემდეგ მათ რეალიზებას ახდენდნენ ისეთ ოჯახებში, სადაც ახალშობილებისთვის უზრუნველი მომავლის შექმნის პერსპექტივა არსებობდა.

პოლიციის ოფიცრებმა ინსტაგრამზე 10-იდან 15-მდე გვერდი აღმოაჩინეს, რომლებიც ოპერირებდნენ ბავშვების ვაჭრობით. ირანში ბავშვთა ტრეფიკინგი ძალზე აქტუალურ პრობლემას წარმოადგენს- ხშირია შემთხვევები, როდესაც ღარიბ ქალებს მშობიარობის ხარჯების დასაფარად ბავშვის გაცვლას სთავაზობენ. ქვეყანაში აგრეთვე უმძიმესი პრობლემად დგას სექსმუშაკად მცირეწლოვნების გაყიდვის მზარდი ტენდენციები უკანასკნელ პერიოდში.