ევროპაში აშშ-ს მთავარი სამხედრო დასაყრდენი პოლონეთი ხდება- ტრამპის ინიციატივით 10 000-მდე ამერიკელი ჯარისკაცი პოლონეთის უსაფრთხოებას დაიცავს

მსოფლიო - 11:32, 25 Jun, 2020

857

თეთრ სახლში ამერიკის და პოლონეთის პრეზიდენტების ერთობლივი პრეს-კონფერენციის დროს ტრამპმა დაადასტურა გერმანიიდან ამერიკელი სამხედროების გამოყვანის საკითხი- „ ჩვენ ვამცირებთ ჩვენს ძალებს გერმანიაში“.

რესპუბლიკელთა პრეზიდენტის ადმინისტრაცია 34 500-იდან 25 000-მდე ამცირებს სამხედროთა რაოდენობას- გავრცელებული ინფორმაციით, ამ ფორმით ტრამპს სურს მერკელის დასჯა, რომელიც ჩრდილო ატლანტიკური ალიანსის ხელშეკრულებით ნაკისრ ვალდებულებას არ იცავს ერთობლივი ეროვნული შიდა პროდუქტიდან თავდაცვაზე 2 %-იან დაფინანსებასთან დაკავშირებით.

ტრამპმა აგრეთვე არ დამალა თავისი ნეგატიური განწყობა გერმანიის მიერ რუსეთიდან ბუნებრივი აირის ყიდვასთან დაკავშირებით, რომლის ფონზეც ოფიციალური ბერლინი აქტიურად არიან ჩართულნი „ჩრდილოეთის ნაკადის“ გაზსადენის პროექტში - „ ვფიქრობ, რომ გერმანელი ხალხი არ უნდა იყოს"- განაცხადა ტრამპმა.

ანჯეი დუდამ მედიას განუცხადა, რომ იგი თხოვს ტრამპს, არ გაიყვანოს სამხედრო ძალები ევროპიდან. პოლონეთის პრეზიდენტის თქმით, მისი ქვეყანა მზადაა უფრო მეტი ამერიკელი სამხედროს მისაღებად. შეგახსენებთ, რომ აშშ აპირებს ჯავშანტექნიკით აღჭურვილი გაძლიერებული სამხედრო დანაყოფების გამოგზავნას პოლონეთში როტაციული ჩანაცვლებებით. ტრამპმა აღნიშნა, რომ იგი მოუთმენლად ელის პოლონეთთან თავდაცვისა და უსაფრთხოების საკითხში შეთანხმების გაფორმებას.