გერმანიის „დანაკარგი“ იქნება პოლონეთის მთავარი „მონაპოვარი“ განაცხადა ამერიკის პრეზიდენტმა თეთრ სახლში პოლონეთის პრეზიდენტ ანჯეი დუდასთან გამართულ შეხვედრაზე, რა დროსაც განხილვის მთავარი საკითხი ათასობით ამერიკელი ჯარისკაცების გერმანიიდან გადაყვანის საკითხი ორ ქვეყანას შორის ურთიერთთანამშრომლობა იყო.

პოლონეთის პრეზიდენტმა აგრეთვე ისაუბრა საქართველოზეც და აღნიშნა, რომ რუსეთის იმპერიული ამბიციები ბოლო ათი წლის განმავლობაში გამოცოცხლდა, რისი მანიშნებელი იყო რუსული შეიარაღებული ძალების გამოყენება 2008 წელს საქართველოს წინააღმდეგ.

„2014 წელს რუსეთი უკრაინას თავს დაესხა, ყირიმის ანექსია მოახდინა, ოკუპირებული აქვს ლუგანსკი და დონეცკი. მანამდე კი რუსეთი თავს დაესხა საქართველოს. დღეს პოლონეთში ნატოს ჯარების, აშშ-ის არმიის ყოფნა ცხადყოფს, რომ ნატოს წესდების მეხუთე მუხლი სერიოზულად განიხილება. ეს ცხადყოფს, რომ თუ ვინმეს პოლონეთზე თავდასხმა მოუნდება, მას ამისთვის ფასის გადახდა მოუწევს. 100 წლის წინ ჩვენ რუსები ვარშავიდან განვდევნეთ. არ გვსურს ამ სიტუაციის განმეორება. მიხარია, რომ დღეს აშშ-ის პრეზიდენტს ესმის ევროპაში არსებული რეალობა. რუსეთის იმპერიული ამბიციები ბოლო ათი წლის განმავლობაში განახლდა, როდესაც რუსეთი საქართველოს თავს დაესხა 2008 წელს. ეს ამბიციები უკვე შეჩერებულია, ყოველ შემთხვევაში ამ რეგიონში- ეს კი ამერიკის საგარეო პოლიტიკის დამსახურებაა"- განაცხადა პოლონეთი პრეზიდენტმა, ანჯეი დუდამ.