ტაილანდში ერთ-ერთი ყველაზე გავრცელებული მოვლენა ეგზოტიკური გარემოს ფარგლებში გახლავთ ის, რომ მაიმუნები აქტიურად დადიან ქალაქების ქუჩებში, რაც ქვეყანაში ჩამოსულ ვიზიტორთა ყურადღებას იპყრობს. სწორედ ტურისტთა გულისხმიერების შედეგად იკვებება აღნიშნულ ცხოველთა უმრავლესობა. უკანასკნელ პერიოდში იმის გამო, რომ ტურისტთა რაოდენობა მთელს მსოფლიოში და მათ შორის, ტაილანდშიც 99 %-ით შემცირდა მაიმუნები შიმშილობენ.

მშიერი მაიმუნები კი ძალზე დიდ აგრესიას ავლენენ ადგილობრივი მაცხოვრებლების მიმართ და უკანასკნელ პერიოდში თითქმის ყოველდღიურად თავს ესხმიან ადამიანებს, რის შედეგადაც არაერთხელ დაფიქსირდა მოქალაქეთა მძიმე დაზიანების ფაქტები.

მიახლოებით 2000 მაკაკას ჯიშის გრძელკუდიანი მაიმუნები იპყრობენ ტურისტების ყურადღებას მთელი მსოფლიოდან ქალაქ ლოპბურში, რომელიც ბანგკოკიდან ჩრდილო-აღმოსავლეთით 150 კილომეტრითაა დაშორებული. უსაკვებოდ დარჩენილი მაიმუნები ქალაქის 760 000 მაცხოვრებელს ატერორებენ, რის გამოც ქალაქის ხელისუფლებამ მიიღო გადაწყვეტილება, რომ 2 თვის განმავლობაში 500-მდე მაკაკას ჯიშის მაიმუნი სასიკვდილო პრეპარატებით „სამუდამოდ დააძინონ“.

ადგილობრივთა თქმით, ისინი ყოველდღიურად აწყდებიან უმძიმეს პრობლემებს მაიმუნებისგან-მოშიმშილე ცხოველები საკვების მოსაპოვებლად იბრძვიადნ- თავს ესხმიან ადამიანებს, სახლში უვარდებიან მათ, არბევენ შენობათა შიდა ტერიტორიებს და ფიზიკურ ზიანს აყენებენ როგორც ზრდასრულ, აგრეთვე არასრულწლოვან ადამიანებსაც. ხშირია აგრეთვე მაიმუნების მხრიდან პროდუქტების ძარცვის შემთხვევები მაღაზიებიდან.