რუსეთის დედაქალაქში ნაციზმზე გამარჯვების 75-ე წლისთავისადმი მიძღვნილ აღლუმში დასასწრებად ჩასულ ყირგიზეთის დელეგაციის 2 წევრს კოვიდ 19-ის ინფექცია დაუდასტურდა. გავრცელებული ინფორმაციით, ყირგიზეთის პრეზიდენტი, სოორონბაი ჟეენბეკოვი ვერ დაესწრება გამარჯვების დღისადმი მიძღვნილ ღონისძიებას.

გავრცელებული ინფორმაციით, ყველა ჩამოსულმა სტუმარმა გაიარა კორონავირუსზე ტესტი. ყირგიზეთის პრეზიდენტმა თავისი ინიციატივით უარი განაცხადა ღონისძიებაზე დასწრებაზე. მისი თქმით, ბიშკეკში ჩასვლისთანავე იგი თვითიზოლაციაში გადავა.

შეგახსენებთ, რომ რუსეთი კორონავირუსის გავრცელებით დღეს მსოფლიოში მე-3 ადგილზეა- ინფიცირების 606 000-მდე შემთხვევაა აღრიცხული, რომელთაგან 8513 ადამიანი გარდაიცვალა. ამ დრომდე უცნობია, თუ რა ხდება რეალურად კოვიდ 19-ის გავრცელების მხრივ აღმოსავლეთ რუსეთში.