რუსეთის საგარეო საქმეთა სამინისტროს პრესსპიკერი, მარია ზახაროვა გამოეხმაურა ქართველი ჟურნალისტისის, გიორგი გაბუნიას განცხადებას, რომელმაც რუსული მედიის აზრით, ცოტა ხნის წინ კიდევ ერთხელ შეურაცხმყოფელად მოიხსენია ვლადიმერ პუტინი.

დიპლომატმა რუსეთის საგარეო საქმეთა მინისტრის, სერგეი ლავროვის ადრე ნათქვამი სიტყვები გაიმეორა, რომლითაც მან ქართველ ჟურნალისტებს „უმსგავსო საქციელზე“ მიუთითა და მიმართა: „ თქვენ ავად ხართ გოგოებო“.

რუსული მედია, GAZETA.RU აცხადებს, რომ ეს პირველი შემთხვევა არაა, როდესაც ჟურნალისტის მხრიდან ხდება თავდასხმა რუსეთის პრეზიდენტზე. სტატიის ავტორი 2019 წელს რუსთავი 2-ის გადაცემაში გასულ უცენზურო შეფასებებს იხსენებს გაბუნიას მხრიდან, რომელიც პუტინის წინააღმდეგ იყო მიმართული.