"არდაცვლილს სხეულზე დაზიანებები აქვს..." - გიორგი შაქარაშვილის ბიძა

საზოგადოება - 15:30, 23 Jun, 2020

1429

გიორგი შაქარაშვილს სხეულზე დაზიანებები აღენიშნება - ამბობს, გარდაცვლილის ბიძის, მირიან ნიკოლაძე და იქვე დასძენს, რომ საუბარი რთულია, ეს დაზიანებები როდისაა მიყენებული.

„აქ, არსებითად მნიშვნელოვანია იმ ზღვარის და მიჯნის გავლენა დაზიანებები მიღებულია სიცოცხლის პერიოდში, თუ გარდაცვალების შემდგომ. ამიტომ, აქვს თუ არა დაზიანება, ახლა ეს კი არ არის მნიშვნელოვანი, არამედ მნიშვნელოვანია ის, თუ რის გამოა გამოწვეული ამ დაზიანების მიყენება. დაზიანებები აქვს, ბუნებრივია, სამი დღის განმავლობაში მდინარის კალაპოტში იმყოფებოდა, თუმცა გარდაცვალებამდე მიადგა თუ არა ვერ გეტყვით", - განაცხადა მირიან ნიკოლაძემ.

მისი თქმით, რადგანაც შსს-მ კვალიფიკაცია შეცვალა, უნდა ვივარაუდოთ, რომ მათ აქვთ რაიმე საუძველი იმისა, ახალი კვალიფიკაციით გააგრძელონ გამოძიება.

"სისხლის სამართლის კვალიფიკაცია ყოველთვის დგინდება საქმეში არსებული მტკიცებულებები მიხედვით. თუ ჩვენ ვნახავთ, რომ გამოიკვეთება ექსპერტიზის შემდგომ რაიმე კონკრეტული დანაშაულის კვალი, ცხადია, ჩვენი პოზიცია გვექნება კვალიფიკაცის დამძიმებასთან დაკავშირებით", - განაცხადა მირიან ნიკოლაძემ.

მისივე ინფორმაციით, შაქარაშვილის ოჯახმა ახალგაზრდებს შორის მომხდარი კონფლიქტის შესახებ დილით გაიგო.

„ოჯახმა კონფლიქტის შესახებ გაიგო დილის 07:00 საათის ფარგლებში, იმიტომ, რომ ღამის პირველ საათზე დედა ესაუბრა გიორგის. ბავშვის გადმოცემით, ისეთი არაფერი ხდებოდა და უკვე 7 საათის ფარგლებში დარეკეს და მოიკითხეს გიორგი იყო თუ არა სახლში მისული. აი, აქედან დავიწყეთ პოლიციის ჩართვა საგამოძიებო მოქმედებებში. გიორგი დედას ესაუბრა მისი მეგობრის ტელეფონით“, - განაცხადა მირიან ნიკოლაძემ.