სამხრეთ კორეის ქალაქ ბუსანის პორტში შესულ რუსულ გემზე 16 მეზღვაურს კორონავირუსი დაუდასტურდა- ამის შესახებ ადგილობრივი მთავრობა ავრცელებს ინფორმაციას. ხომალდი, რომელიც ვლადივოსტოკიდან წამოვიდა, ბუსანში კვირას შემოვიდა. საერთო ჯამში ბორტზე 21 მეზღვაური იმყოფებოდა.

ადგილობრივი მთავრობის წარმომადგენელთა თქმით, დაახლოებით 60 ადამიანი, რომელთაც აღნიშნულ მეზღვაურებთან კონტაქტი ჰქონდათ, მათ შორის ის სამხრეთ კორეელები, რომლებმაც ხომალდიდან ტვირთი გადმოზიდეს, მოთავსებულნი არიან კარანტინში და უმრავლეს მათგანს უკვე დაუდასტურდა კოვიდ 19-ზე ინფიცირება.

შeგახსენებთ, რომ რუსეთში კორონავირუსით ინფიცირებულთა რიცხვი ყოველდღიურად მასშტაბურად იზრდება. საერთო ჯამში 600 000-მდე ადამიანია ინფიცირებული, რომელთაგან 8206 შემთხვევა ფატალურად დასრულდა. საავადმყოფოში ამ დრომდე რჩება 239 000-მდე პაციენტი, თუმცა ადგილობრივი მედიისა და არასამთავრობო ორგანიზაციების თქმით, ხელისუფლება მალავს რეალურ ინფორმაციას.