24 ივნისს აშშ-სა და პოლონეთის პრეზიდენტები ერთმანეთს თეთრ სახლში შეხვდებიან, სადაც გავრცელებული ინფორმაციით, გერმანიიდან პოლონეთში ამერიკელი ჯარისკაცების გარკვეული დანაყოფების გადაყვანა გამოცხადდება. ამის შესახებ წერს ადგილობრივი პოლონური მედია.

გავრცელებული ინფორმაციით, აშშ გერმანიიდან პოლონეთში F-16-ის ტიპის გამანადგურებლებს და ამერიკის არმიის მე-5 კორპუსის სარდლობის მთავარ შტაბის მატერალურ-ტექნიკურ ბაზას გადაიტანს. არაოფიციალური ინფორმაციით, გერმანიიდან პოლონეთში ორი ათასამდე ამერიკელი სამხედრო იქნება გადასროლილი. იგეგმება აგრეთვე ტრამპსა და ანდჟეი დუდას შორის თავდაცვის სფეროში თანამშრომლობის საკითხი, რომლითაც განისაზღვრება ამერიკელი მებრძოლების პოლონეთში ყოფნის კონკრეტული მიმართულება და გეგმები.

გერმანიაში დისლოცირებული საერთო კონტიგენტიდან ტრამპის გადაწყვეტილებით, სურთ, გაანახევრონ არმიის წარმომადგენლობა- საუბარია 9500-მდე მებრძოლზე.