გაეროს ნარკოტიკებისა და დანაშაულის სამმართველოს მონაცემებით, ავღანეთში ყაყაჩოს პლანტაციების ფართობმა 209 ათასი ჰექტარი შეადგინა, რითაც 2007 წელს დამყარებულ რეკორდს გადააჭარბა.

გაეროს შეფასებით, ოპიუმის სავარაუდო მოცულობა, რომელიც შესაძლებელია 2013 წელს მიღებული მოსავლიდან მიიღონ, 5,5 ათას ტონას შეადგენს, რაც 49 პროცენტით მეტია წინა წელთან შედარებით.

ავღანეთს, ოპიუმის ყაყაჩოს მოყვანაში, მსოფლიოში პირველი ადგილი უჭირავს. 2012 წელს ოპიუმისა და ჰეროინის ბაზარზე, ამ ქვეყანამ ნედლეულის 75% შეიტანა, ხოლო წელს შესაძლოა 90%-ზე ავიდეს.

ყაყაჩოს მოყვანიდან მიღებული სახსრების ნაწილი, თალიბებს ხვდებათ. როგორც მოხსენებაშია ნათქვამი, ტერიტორიების მნიშვნელოვანი ნაწილი, სადაც მცენარეებს ზრდიან, სწორედ თალიბების კონტროლის ქვეშაა.

მომზადებულია lenta.ru-ს მასალების მიხედვით.