"სეზონური გრიპის ვაქცინაცია აუცილებელია" - მედიკოსების გაფრთხილება საზოგადოებას

COVID-19 - 19:04, 22 Jun, 2020

810

"სეზონური გრიპის ვაქცინაცია აუცილებელია" - ამის ესახებ თბილისის ინფექციური საავადმყოფოს ბოქსირებული განყოფილების უფროსმა მარინა ენდელაძემ განცხადა.ენდელაძის თქმით, ერთდროულად ორი ინფექციის არსებობა პაციენტების მდგომარეობას ძალიან დაამძიმებს, ამიტომ საზოადოება უნდა შეეცადოს თავიდან აირიდოს სეზონური გრიპი.

„ზოგადად, ვაქცინაცია ყოველთვის მნიშვნელოვანი იყო. ჩვენ ყოველთვის ამის რეკომენდაციებს გავცემდით, რომ აუცილებელია ვაქცინაცია, მით უმეტეს გრიპზე არის საუბარი. ახლა, ამ კონკრეტულ შემთხვევაში ნამდვილად აუცილებელია, რადგან კოვიდინფექცია არასად წასულა და შემოდგომისთვის კიდევ ველოდებით. ეს ზუსტად არავინ ვიცით, მაგრამ სავარაუდოდ იქნება, მოიმატებს. ამიტომ, აუცილებელია გრიპზე ვაქცინაცია. ვიცით, რომ ჯერ არ გვაქვს „კოვიდ-19“-ის საწინააღმდეგო ვაქცინა. ამიტომ გრიპის ვაქცინა აუცილებელია, რომ ერთდროულად არ მოხდეს პაციენტების დაინფიცირება, როგორც კოვიდით, ასევე გრიპით.

რა თქმა უნდა, ორი ვირუსის ერთდროულად არსებობა სიტუაციას დაამძიმებს და ამდენად, მოვუწოდებ მოსახლეობას, რომ აუცილებლად ამ წელს, როგორც არასდროს, ისე გავუფრთხილდეთ ჩვენს თავს, გაუფრთხილდნენ თავიანთ თავს და ჩაიტარონ ვაქცინაცია“, – განუცხადა ენდელაძემ საქართველოს პირველ არხს.