ამერიკის სახელმწიფო მდივანმა ჯონ ბოლტონს უწოდა მოღალატე, რომელმაც ქვეყანა დააზიანა თავისი მემუარების ჩანაწერებით, რომელშიც ჯონ ბოლტონი ტრამპის არაკომპეტენტურობასა და არასწორ საგარეო პოლიტიკაზე მიუთითებს.

„ძალზე სამწუხარო და სახიფათოა ის, რომ ჯონ ბოლტონი, რომელსაც სახელმწიფო თანამდებობა ეკავა, აღმოჩნდა მოღალატე, რომელმაც აშშ დააზარალა. მე წიგნი არ წამიკითხავს, თუმცა იმ ამონარიდებიდან, რომელიც გამოქვეყნდა ნათელია, რომ იგი ცრუობს, მან ხალხის ნდობა ძალზე ბოროტად გამოიყენა“ - აცხადებს მაიკ პომპეო.

ჯონ ბოლტონი, რომელსაც თეთრი სახლის ეროვნული უსაფრთხოების მრჩევლის თანამდებობა ეკავა, აღწერა აშშ-ს საშინაო და საერთაშორისო პოლიტიკა თავის წიგნში, სადაც პრეზიდენტი ტრამპი მოხსენიებულია ბრიყვად, მექრთამედ და გულგრილად ამერიკის ინტერესების მიმართ. წიგნში აგრეთვე მოთხრობილია მაიკ პომპეოს პერსონალურ შეუთანხებლობაზე პრეზიდენტ ტრამპთან.

ბოლტონის წიგნის, „ ოთახი სადაც ეს მოხდა“ მომავალი კვირიდან ექნება შესაძლებლობა საზოგადოებას შეიძინოს, თუმცა ტრამპის ადმინისტრაცია ფედერალურ სასამართლოში ჩივის და ცდილობს წიგნის გაყიდვას ხელი შეუშალოს. წიგნი შეიცავს ანეკდოტებს ტრამპზე მაიკ პომპეოს მხრიდან. ბოლტონი აღნიშნავს, რომ სახელმწიფო მდივანი აგრეთვე „წარმატების ნულოვან ალბათობად“ აფასებდა ტრამპის პოლიტიკის სტრატეგიას ჩრდილოეთ კორეასთან.

წიგნის ერთ-ერთ მონაკვეთში საუბარია ამერიკის სახელმწიფო მდივნის ნეგატიურ დამოკიდებულებაზე ტრამპის მიერ საჰაერო იერიშის გაუქმების გამო. აღნიშნულ ქმედებას პომპეო „ნამდვილად საშიშ გადაწყვეტილებად“ მიიჩნევს.