შავი ღრუბლები "ქართული ოცნების" თავზე - გერმანიის პროკურატურა საქართველოს ხელისუფლებას პრორუსულ უწოდებს

მსოფლიო - 15:54, 18 Jun, 2020

2526

გერმანიის პროკურატურამ ზელიმხან ხანგოშვილის მკვლელობაში ეჭმვიტანილს ბრალი წარუდგინა.
ამის შესახებ ინფორმაცია უწყების ოფიციალურ საიტზე უკვე გამოქვეყნდდა.

პროკურატურის განცხადებაში საუბარია მკვლელობის დეტალებზე და აგრეთვე ხანგოშვილის კავშირეზე რუსეთსა და საქართველოს ხელისუფლებასთან. განცხადებაში საქართველოს მთავრობას პრორუსულს უწოდებენ.

„მკვლელობის გარემოებებიდან ირკვევა, რომ მსხვერპლი წინააღმდეგობას უწევდა კრემლის, ჩეჩნეთის, ინგუშეთის რესპუბლიკებისა და აგრეთვე საქართველოს პრორუსულ ხელისუფლებებს“ - აღნიშნულია განცხადებაში.

შეგახსენებთ, რომ ზელიმხან ხანგოშვილი, რომელსაც გერმანიის სამართალდამცავი უწყებები მროგორც თორნიკე ქავთარაშვილად მოიხსენიებენ , 2019 წლის აგვისტოში ბერლინში მოკლეს. მკვლელობაში ეჭვმიტანილს რუსული პასპორტი უპოვეს.

ზემოხსენებული მკვლელობის დეტალურ გამოძიებასთან დაკავშირებით გერმანიის მხარის მოთხოვნას რუსეთმა უარით უპასუხა, რომლის შემდეგაც 4 დეკემბერს ოფიციალური ბერლინის გადაწყვეტილებით, რუსეთის დიპლომატიური უწყების 2 თანამშრომელი ქვეყნიდან გააძევეს.