გიორგი გაბუნიას მკლელობის მცდელობას ეხმაურება ამერიკული მედია, WASHINGTONEXAMINER-ი. სტატიაში აღნიშნულია, რომ თუ რამზან კადიროვმა მართლაც გასცა ბრძანება გიორგი გაბუნიას მკვლელობასთან დაკავშირებით, ამერიკამ უნდა დაუწესოს სანქციები იმ ორანიზაციებს, რომლებთანაც კავშირი აქვს კადიროვს.

“მას შემდეგ რაც გაბუნიამ 2019 წელს პუტინისა და მისი მშობლების მიმართ საკუთარი მოსაზრება გამოთქვა, მას გადიროვი დაემუქრა. კადიროვი მოხერხებული მკვლელია, მისი მკვლელობების სერია კი დოკუმენტირებულად არის დადასტურებული. უცნობი არ გახლავთ მისი დამოკიდებულება ჟურნალისტების მიმართ, რომლებიც ჩეჩნეთის ლიდერს აკრიტიკებენ. კადიროვი პუტინის ხელის ბიჭია, ხოლო როდესაც მის ხელმძღვანელს შეურაცხყოფას აყენებენ, იგი პრეზიდენტის დამცველია.

ის მოხარულია ყოველთვის, როდესაც პუტინის მიერ გაცემულ დავალებას ასრულებს, რაც გამოიხატა 2015 წელს ბორის ნემცოვისა და 2019 წელს ზელიმხან ხანგოშვილის მკვლელობით. ეს ფაქტები კი რეალურს ხდის იმას, რომ გაბუნიას საქმე კადიროვთანაა დაკავშირებული. თუ კადიროვს სანქციებს დაუწესებენ, იგი სერიოზული ზეწოლის ქვეშ მოექცევა, იმ ფონზე რომ რესპუბლიკელებმა პუტინის კავშირებისა და აგრესიის წინააღმდეგ ახალ სანქციების პაკეტსა და კანონპროექტზე დაიწყეს მუშაობა“ - ნათქვამია სტატიაში.