დღევანდელი ვითარება არის პირველი ტალღის ნარჩენები, მეორე ტალღა ჯერ არ დაწყებულა

დღევანდელი ვითარება არის პირველი ტალღის ნარჩენები, მეორე ტალღა ჯერ არ დაწყებულა - თენგიზ ცერცვაძე

COVID-19 - 19:08, 17 Jun, 2020

578

ინფექციური საავადმყოფოს ხელმძღვანელმა, თენგიზ ცერცვაძემ განაცხადა, რომ საქართელოში ჯერ მეორე ტალღა არ დაწყებულა და ის რაც ხდება პიველი ტალღის ნარჩენებია.
ცერცვაძემ ასევე ყურადღება მსოფლიოში არსებულ სტატისტიკაზე გაამახვილა და აღნიშნა, რომ საქართველოში არის ერთ-ერთი ყველაზე დაბალი რიცხვი ახალი შემთხვევების.
„საქართველოში არის ერთ-ერთი ყველაზე დაბალი რიცხვი ახალი შემთხვევების, რომ ავიღოთ ევროპა და ჩრდილოეთ ამერიკა. ხშირად მსჯელობენ ეს არის პირველი ტალღა, თუ ეს არის მეორე ტალღის დასაწყისი, თუ რაღაცა. ამ მსჯელობასაც არა აქვს ძალიან დიდი მნიშვნელობა. პირობითია, ვინ, რომელ ტალღას დაარქმევს. მიმაჩნია, რომ ეს არის პირველი ტალღის ნარჩენები, ბოლო, მეორე ტალღა ჯერ არ დაწყებულა, თუმცა შესაძლებელია, პირველი ტალღა ისე გადავიდეს მეორეში, რომ მათ შორის სერიოზული წყვეტა არც იყოს. საქართველოში სადღეისოდ არის ერთ-ერთი ყველაზე დაბალი რიცხვი ახალი შემთხვევების. ბოლო დღეებში ყველზე ბევრი იყო 13 და ეს ძალიან ცოტაა. საქართველოში ჯერ არაფერი საგანგაშო არ არის. მოსახლეობამ ეს არ უნდა გამოიყენოს ბოროტად. ის შეზღუდვები, ღონისძიებები, რომელიც რეკომენდებულია, ამ ახალი შემთხვევების თავიდან ასაცილებლად და რომელიც აღარ მოქმედებს საგანგებო მდგომარეობის გაუქმების შემდეგ იძულებითი წესით, თითოეულმა ჩვენგანმა უნდა შევასრულოთ ნებაყოფლობით. ჩვენ მოგვიწევს კორონავირუსთან თანაცხოვრება. რაც იმას ნიშნავს, რომ ერთეული და შეიძლება ოცამდე შემთხვევა სულ იქნება. ჩვენი ჰოსპიტალური სექტორი ამისთვის მზად არის. თუ ვინმეს დაემართება, ჩვენ მას ვუმკურნალებთ და დიდი ალბათობით განვკურნავთ, მაგრამ უნდა შევეცადოთ, რომ ეს ახალი შემთხვევები იყოს მცირე“, – განაცხადა თენგიზ ცერცვაძემ.