ჩრდილოეთ ერაყში თურქეთის არმიამ საჰაერო და სახმელეთო ოპერაცია დაიწყო ქურთი სამხედროები წინააღმდეგ . აღნიშნულ სპეცოპერაციას უწოდებენ თავდაცვის აქტს, რომლითაც უნდა მოხდეს აღნიშნული ტერიტორიიდან ტერორისტების განეიტრალება.

სამხედრო ოპერაცია სახელწოდებით „ვეფხვის კლანჭი“ ითვალისწინებს თურქი სპეციალური დანიშნულების რაზმების აქტიურ მოქმედებას საბრძოლო თვითმფრინავების, ვერტმფრენებისა და უპილოტო საფრენი აპარატების მხარდაჭერით. თურქეთის თავდაცვის მინისტრმა განაცხადა, რომ თურქულმა თვითმფრინავებმა დაბომბეს ქურთების პოზიციები ჩრდილოეთ ერაყში, ჰაფთანინის რეგიონში, ხოლო ქვეითი ძალები ტექნიკასთან ერთად სახმელეთო ოპერაციაში უტევენ ქურთ ბოევიკებს.

საჰაერო ოპერაციის დაწყებამდე თურქულმა საარტილერიო დანადგარებმა მოწინააღმდეგის პოზიციებზე გამანადგურებელი იერიში მიიტანა. ოპერაციის მიზანი კი „ქურთისტანის მუშათა პარტიის“ გასამხედროებულ ფორმირებათა განადგურებაა.

თურქეთის არმიის ტვიტერის ოფიციალურმა ვებგვერდმა გამოაქვეყნა ვიდეო, რომელიც აღწერს საკომანდო ცენტრში მიმდინარე მუშაობის პროცესს უშუალოდ სამხედრო ოპერაციის განმავლობაში. კადრებში ასახულია, თუ როგორ აკვირდებიან მართვის ცენტრიდან არმიის ხელმძღვანელები უპილოტო საფრენი აპარატების მიერ გასანადგურებელი სამიზნეების ზონებში მოქმედებას.