ოფიციალური ვაშინგტონი გეგმავს, საგრძნობლად შეამციროს ევროპაში ამერიკული არმიის წარმომადგენლობა.

საერთო ჯამში გერმანია უნდა დატოვოს 9400-მდე ამერიკელმა ჯარისკაცმა, ვაშინგტონში კი რესპუბლიკელთა და დემოკრატთა რიგებში ფიქრობენ, რომ აღნიშნული ნაბიჯი ალიანსის ერთიანობას დიდ საფრთხეს შეუქმნის საგარეო გამოწვევებისა და კრიზისების ფონზე.

ცივი ომის პერიოდში , განსაკუთრებით კი მე-20 საუკუნის 50-იანი წლებიდან აშშ ევროპის თავდაცვის ძალების გაძლიერებასა და მშვიდობის დამყარებაში უმნიშვნელოვანეს როლს ასრულებდა, თუმცა უკანასკნელი წლების განმავლობაში ამერიკის კოლოსალური დანახარჯები კონტინენტის თავდაცვაზე, ხოლო ევროპის წამყვანი სახელმწიფოების მიერ გაწეული მინიმალური დანახარჯები ერთიანი შიდა პროდუქტიდან ევროპის თავდაცვისუნარიანებოაზე იყო დაპირისპირებისა და ურთიერთობის დაძაბვის კატალიზატორი ევროპასა და ამერიკას შორის.

დონალდ ტრამპი ითხოვდა ევროპის წამყვანი სახელმწიფოებისგან ერთიანი შიდა პროდუქტის 2 %-იანი მინიმუმი დაეკმაყოფილებინა ყველა ქვეყანას და გაეზარდა თავდაცვის უწყების დაფინანსება.

შეგახსენებთ, რომ აშშ-ს 80-იან წლებში ევროპაში 350 000 ჯარისკაცი ჰყავდათ განთავსებული, დღეს კი ეს რაოდენობა 34 000-მდეა შემცირებული.

დონალდ ტრამპი მუდმივად აკრიტიკებს გერმანიას იმის გამო, რომ ევროპის ყველაზე ძლიერი ეკონომიკის მქონე ქვეყანა თავდაცვაზე არ ხარჯავს საჭირო რაოდენობის თანხებს. ოფიციალურმა ვაშინგტონმა აგრეთვე ბერლინის პოლიტიკა მკაცრად გააკრიტიკა რუსეთის „ნორდ სტრიმ 2“-ში აქტიური მონაწილეობის გამო.

თეთრ სახლში აცხადებენ, რომ გერმანიიდან გაყვანილი ჯარების ნაწილს პოლონეთსა და სხვა ქვეყნებში გადაანაწილებს.