ჯანმრთელობის მსოფლიო ორგანიზაციამ ბრიტანელი პროფესორების კვლევაზე, კორონავირუსის მძიმე ფორმით დაავადებული პაციენტების დექსამეტაზონით მკურნალობაზე ისაუბრა და აღნიშნა, რომ ეს მიგნება სამეცნიერო გარღვევას წარმოადგენს.

„ეს პირველი პრეპარატია, რომელმაც კოვიდ 19-ით დაავადებულ იმ მძიმე პაციენტებზე, რომელთაც ჟანგბადის მიწოდება და ფილტვების ხელოვნური ვენტილაცია ესაჭიროებათ, სიკვდილიანობის მაჩვენებელი საგრძნობლად შეამცირა. ბრწყინვალე ამბავია და ვულოცავ გაერთიანებული სამეფოს მთავრობას, ოქსფორდის უნივერსიტეტის მკვლევარებს, ბრიტანელ ექიმებსა და პაციენტებს, რომელთაც აღნიშნულ სამეცნიერო ექსპერიმენტით უდიდეს სამეცნიერო მიღწევაში თავიანი სერიოზული წვლილი შეიტანეს“ - განაცხადა ტედროს ადჰანომ გებრეიესუსმა.

შეგახსენებთ, რომ გუშინ BBC-მ გამოაქვეყნა უახლესი დასკვნის შედეგები, რომლითაც დადგინდა რომ ბრიტანელმა ექიმებმა მიაგნეს პრეპარატს, რომელიც რამდენჯერმე შეამცირებს კოვიდ ინფიცირებული პაციენტის გარდაცვალების რისკს - გავრცელებული ინფორმაციით, აღნიშნული წამლის გამოყენება სავენტილაციო აპარატზე მიერთებული პაციენტებისთვის გარდაცვალების რისკს სამჯერ ამცირებს, ხოლო ჟანგბადის ხელოვნური სუნთქვის აპარატზე მყოფთათვის - სიკვდილის რისკი ხუთჯერ იკლებს.

მკვლევართა შეფასებით, ბრიტანეთში პანდემიის დაწყების მომენტში ხელმისაწვდომი რომ ყოფილიყო დექსამეტაზონი ფართო გამოყენებისთვის, სულ ცოტა 5000 პაციენტს იხსნიდნენ სიკვდილისგან. წამალი ძალზე დაბალი ფასის მქონეა, რომელსაც დიდი სარგებლის მოტანა შეუძლია ღარიბი ქვეყნებში კოვიდ 19-ით ინფიცირებული პაციენტების სამკურნალოდ.